සිරිලක මිණිවරුණ සඟරාව දොරට වැඩිය දා
 | |||||||||||||||||||||||||||||||||||||||||
සඟරාවේ සංස්කාරක රංජිත් ඉලේපෙරුම සහ ප්රකාශක කපිල අතුරලියගම යන මහත්වරු
|
(සටහන සහ ඡායාරූප-ජයන්ත විජේරත්න හේරත්)
‘සිරිලක මිණිවරුණ’ නව ත්‍රෙයිමාසික සඟරාවේ මංගල කලාපය, 2016 ජනවාරි 23 වැනි සෙනසුරාදා පෙරවරුවේ රත්නපුරයේ දී දොරට වැඩියේ ය. දොරට වැඩීමේ චාම් උත්සව සභාව පැවතියේ, ජනමාධ්‍ය සහ පාර්ලිමේන්තු කටයුතු නියෝජ්‍ය අමාත්‍ය කරුණාරත්න පරණවිතාන මහතාගේ ප‍්‍රධානත්වයෙනි. උත්සවය පැවැතියේ රත්නපුර ජාතික මැණික් හා ස්වර්ණාභරණ අධිකාරිය පරිශ‍්‍රයේ පිහිටි, ‘මිණිපුර මිණි මියුසියම්’ මැණික් කෞතුකාගාරයේ දී ය.
 |
| කරුණාරත්න පරණවිතාන, රංජිත් බණ්ඩාර සහ ඒ. ඒ. විජේතුංග යන මැති ඇමතිවරු |
රත්නපුර දිස්ත‍්‍රික් පාර්ලිමේන්තු මන්ත‍්‍රී ඒ. ඒ. විජේතුංග, සබරගමුව පළාත් සභාවේ අමාත්‍ය රංජිත් බණ්ඩාර, රත්නපුර මහ නගර සභාවේ විපක්ෂනායක ලක්ෂ්මන් මුණසිංහ, ජාත්‍යන්තර මැණික් වෙළෙඳ ව්‍යාපාරික යූ. ජී. චන්ද්‍රසේන, මැණික් විද්‍යාඥ ආචාර්ය දුනිල් පාලිත ගුණසේකර, ප‍්‍රවීණ ලේඛක ක්රිෂ්ණ විජේබණ්ඩාර ඇතුළු ආරාධිත අමුත්තන් පිරිසක් ඊට සහභාගි වූහ. ඒ සමගම මැණික් ව්‍යාපාරිකයන්, මැණික් පතල්කරුවන්, කැපුම් ශිල්පීන්, මාධ්‍යවේදීන් ඇතුළු ප‍්‍රදේශවාසීන් ද මෙම අවස්ථාවට එක්ව සිටියහ.
සැවොම එහි පැමිණ සිටියේ ‘සිරිලක මිණිවරුණ’ නව ත්‍රෙයිමාසික සඟරාවේ සංස්කාරක, ප‍්‍රවීණ මාධ්‍යවේදී රංජිත් ඉලේපෙරුම සහ සඟරාවේ ප්රකාශක, ‘මිණිපුර මිණි මියුසියම්’ මැණික් කෞතුකාගාරයේ කළමනාකරණ අධ්‍යක්ෂ, සාමවිනිසුරු කපිල චම්පක අතුරලියගම යන මහත්වරුන්ගේ ආරාධනයෙනි.
‘සිරිලක මිණිවරුණ’, ලංකාවේ මැණික් කර්මාන්ත හා වෙළෙඳ ක්ෂේත‍්‍රය තේමාකර ගත් ප‍්‍රකාශනයකි. එහි ප්රථම පිටපත ජනමාධ්‍ය සහ පාර්ලිමේන්තු කටයුතු නියෝජ්‍ය අමාත්‍ය කරුණාරත්න පරණවිතාන මහතාට පිළිගන්වනු ලැබිණි. ලොව කපා ඔප දැමූ සිව් වැනි විශාලතම නිල් මැණික සේ ගිණිය හැකි ‘වැල්ලවායේ නිල් කුමාරයා’ නමැති කැරට් 830ක් බර නිල් මැණික් ගල ද, එහි හිමිකරු වන කපිල චම්පක අතුරලියගම මහතා විසින් ආරාධිත අමුත්තන් ඇතුළු පිරිසට ප‍්‍රදර්ශනය කළේ ය.
මේ සමග පළ වන්නේ, ‘සිරිලක මිණිවරුණ’ දොරට වැඩුමේ ඡායාරූප වාර්තාවයි.
2016/01/27.
 |
| සඟරාව ඒ. ඒ. විජේතුංග පාර්ලිමේන්තු මන්ත්‍රීවරයාට පිළිගන්වමින් |
 |
| සඟරාව රංජිත් බණ්ඩාර පළාත් සභා අමාත්‍යවරයාට පිළිගන්වමින් |
 |
| සඟරාව කියවමින් |
 |
| ක්රිෂ්ණ විජේබණ්ඩාර මහතා සභාව අමතමින් |
 | |
| ආචාර්ය දුනිල් පාලිත ගුණසේකර මහතා වැල්ලවායේ නිල් කුමාරයා මැණික ගැන විස්තර කරමින් (මැණික ද අතැතිව) |
 |
| කරුණාරත්න පරණවිතාන නියෝජ්‍ය අමාත්‍යවරයා වැල්ලවායේ නිල් කුමාරයා මැණික පිරික්සූ අයුරු |
 | |||||||
| අම්මේ මේ අපේ සඟරාවයි |
No comments:
Post a Comment