Total Pageviews

Friday, September 11, 2015

‘කොරන්ඩම් පවුලේ කුමාරයා’ ළඟදීම එළිදකී
 


(රංජිත් ඉලේපෙරුම-රත්නපුර)
ශ‍්‍රී ලංකාවෙන් ලැබෙන ලොව ඉස්තරම් තත්ත්වයේ නිල් මැණික් සහ මැණික් පැළඳීමේ භාවිතාව ඇතුළු තවත් තොරතුරු අළලා නව ග‍්‍රන්ථයක් පළ කිරීමට, රත්නපුර, ‘මිණිපුර මිණි මියුසියම්’ අධිපති, කපිල චම්පක අතුරලියගම මහතා කටයුතුකර ගෙන යයි.
එය සම්පාදනය කරන්නේ, ප‍්‍රවීණ ලේඛකයෙකු වන ක‍්‍රිෂ්ණ විජේබණ්ඩාර මහතා විසිනි.
 

වර්ණ ඡායාරූප ද සහිත එහි ‘නිල් මැණික්’ පිළිබඳ විද්‍යාත්මක තොරතුරු රාශියක් ද ඇතුළත් ය. නව කෘතිය නම්කර ඇත්තේ ‘කොරන්ඩම් පවුලේ කුමාරයා’ යනුවෙනි. එය තව නොබෝ දිනකින් එළි දක්වන්නට නියමිත බව, අතුරලියගම මහතා පැවසී ය.



‘මිණිපුර මිණි මියුසියම්’ ආයතනය, 2008 වසරේ දී ‘මැණික් පුරේ-මැණික් කතා’ නමින් මැණික් පිළිබ්‍ඳ සිය මුල්ම ග්‍රන්ථය එළි දැක් වීය. එය සංස්කරණය කළේ ද ක‍්‍රිෂ්ණ විජේබණ්ඩාර මහතා විසිනි.
 



 ලේඛකයා සිය කෘතියෙහි අත් පිටපත, අතුරලියගම මහතාගේ නිවසෙහි දී ඔහුට භාර දුන් අයුරු ඡායාරූපයෙහි දැක්වේ. වමේ සිට, රත්නපුර මහ නගර සභාවේ හිටපු විපක්ෂනායකවරයා, දේශීය බීජ සුරැකීමේ ජාතික සම්මේලනයේ හේමන්ත අබේවර්ධන, කපිල අතුරලියගම, ක‍්‍රිෂ්ණ විජේබණ්ඩාර, මාධ්‍යවේදී රංජිත් ඉලේපෙරුම සහ මොහාම් හරීම් (දේවාලේගාව සනා) යන හිතවතුන් ඡායාරූපයෙහි වෙති.
(ඡායාරූපය-ඉමාෂා අතුරලියගම)
2015/09/12.

No comments:

Post a Comment